Uztailaren 12an izango dira Eusko Legebiltzarrerako hauteskundeak, eta dagoeneko zabaldu dute posta bidezko botoa emateko epea. Herritarrek uztailaren 2a bitartean izango dute horretarako aukera Correosen bulegoetan. Norberak egin beharko du eskaera, NAN originala aurkeztuta, baina gaixotasunak-eta dituztenek baimendutako pertsona baten bidez egin ahal izango dute; horiek mediku agiria aurkeztu beharko dute.
Alderdien bulegoak, zabalik
EAJk, EH Bilduk eta PSE-EEk uztailaren 12an izango diren hauteskundeetararako posta bidezko botoa eman nahi dutenentzako laguntzeko zerbitzua eskainiko dute. EAJk Batzokian, EH Bilduk Bilgunean eta PSE-EEk Herriko Etxean eskainiko dute laguntza zerbitzua.
EAJk astelehenetik ostegunera bitartean eskainiko du zerbitzua. Goizez 10:30etik 12:00etara eta arratsaldez 16:00etatik 17:30era. Kontsulta egiteko 663 55 51 27 telefono zerbitzua eman du alderdi jeltzaleak.
EH Bilduk ere astelehenetik ostegunera eskainiko du laguntza zerbitzua. Astelehenetan eta astearteetan 10:00etatik 12:00etara zabalduko dute Bilgunea, eta asteazkenetan eta ostegunetan 17:00etatik 19:00etara. Kontsulta egiteko azkoitia@ehbildu.eus helbidera zuzentzeko azaldu du koalizioak.
PSE-EEk, bestalde, asteartetik ostiralera bitartean zabalduko du Herriko Etxea, 12:00etatik 13:00etara eta 17:00etatik 19:30era bitartean. Informazio gehiagorako 943-85 20 51 telefono zenbakira deitu dezakete herritarrek.