Langileek enpresak betetako formulario baten bitartez egiaztatu beharko dute lanera doazela

Maxixatzen.eus 2020ko mar. 30a, 18:31
Ertzaintzak eta Udaltzaingoak eskatuko ditu formularioak.

Atzo onartu zuen Espainiako Gobernuak beharrezkoak ez diren jarduera ekonomiko guztiak bertan behera uztea 10/2020 dekretuaren bidez, eta beraz, funtsezkoak diren jardueretan aritzen diren langileek egiaztatu egin beharko dute beren jarduna. Udaltzaingoak eta Ertzaintzak eskatuko ditu formularioak lanerako joan-etorriak egiaztatzeko.

Enpresak behar bezala betetako formulario baten bidez egiaztatu beharko dituzte beharginek lanerako joan-etorriak bihartik aurrera. Atzo onartu zuen Espainiako Gobernuak beharrezkoak ez diren jarduera ekonomiko guztiak bertan behera uztea 10/2020 dekretuaren bidez, eta beraz, funtsezkoak diren jardueretan aritzen diren langileek egiaztatu egin beharko dute beren jarduna.

Eusko Jaurlaritzaren Segurtasn eta Ekonomiaren Garapen sailek formulario bat prestatu dute lanerako joan-etorriak Ertzaintzaren edo Udaltzaingoaren aurrean justifikatu ahal izateko. Izan ere, horiek formularioak eskatuko dituzte bihartik aurrera. Formularioa honako lotura honetan deskargatu daiteke. Gainera, Eusko Jaurlaritzak jakinarazi duenez, Confebaski eta Merkataritza Ganberen eta sindikatuen esku jarri ditu formularioak.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide