#EtxetikMundura

Lurdes Suduperen liburu gomendioak, etxetik mundura

Lurdes Sudupe azkoitiarrak konfinamendua arintzeko zenbait liburu proposatu ditu gaurko #EtxetikMundura saioan. 

Arantxa Urretabizkaiaren 3 Mariak eta Uxue Alberdiren Aulki jokoa liburuak gomendatu ditu Lurdes Sudupek, besteak beste, gaurko #EtxetikMundura saioan. Dena den, ez da Urola Komunikazio Taldeko (UKT) tokiko hedabideetan gaur eskaini den saio bakarra Suduperena: Baleike.eus-en Marlik musika taldeak kontzertua eman du, Karkara.eus-en Iratz eta Imanol Urkizuk kontzertua eskaini dute, Uztarria.eus-en Ekain Ibarguren pailazoak ikuskizuna eskaini du eta Zarauzkohitza.eus-en Martin Etxeberriak olerkiak errezitatu ditu.

Bihar izango dute jarraipena emanaldiek; izan ere, herriko beste hainbat sortzaileren saioak prest ditu dagoeneko Maxixatzen.eus-ek, baita UKTko gainerako hedabideek ere. Dena den, tokian tokiko saioen iragarpenen zerrendetan agertzen ez diren sortzaileek ere izango dute egitasmoan parte hartzeko aukera. Horiek bideoak zuzendaritza@ukt.eus e-posta helbidera bidali besterik ez dute; edozein kultur adierazpenekin lotutako emanaldiak onartzen dira. Beraz, animatu eta bidali zuen bideoak!

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide