Mataderiko kultur eskaintza ere erasan dute koronabirusaren kontrako neurriek, eta datozen bi asteetarako programatuta zituzten ekintzak bertan behera utziko dituztela jakinarazi dute Matadero Ekintzak-eko lagunek.
Horrela, Trini Fox eta Hartz taldeek zapatu gauean eman beharreko kontzertuak ez dituzte egingo -Ataraxia diskoa aurkeztu behar zuen Matadeixen Trini Foxek-, eta Erika Olaizolak ezingo du Panpina taularatu igandean; Mataderiko Antzerki Jardunaldien barruko bigarren emanaldia izan behar zen aktore azpeitiarrarena. Martxoaren 21erako iragarritako Soinu Sistema Gaua ere ez dute egingo Matadeixen.