Festetako egun nagusia ospatu dute Baztarrikalden

Eguerdian zezen txikiak izan dituzte, eta arratsaldean asto proba. Txibilterren astoak irabazi du aurten ere Baztarrikaldeko asto proba, Jose Astarbe XI. Saria.

Aurtengo festetako egun nagusia ospatu dute gaur Baztarrikalden. Eguerdian, zezen txikiak eta poniak atera dituzte Oteiza frontoietan, gaztetxoentzat. Arratsaldean, berriz, asto probarekin urteroko hitzordua izan dute.

Jose Astarbe XI. Saria izan da gaur Baztarrikalden jokatu dutena. Itziarko Aitor Gointziarrenen, Azkoitiko Txibilterren eta Zumaiako Valentin Eizagirren astoek parte hartu dute aurtengo deman, hurrenkera horretan. Iaz bezala, Txibilterrentzat izan da garaipena Baztarrikalden. 67 plaza eta erdi osatu ditu azkoitiarraren astoak 20 minututan, 66 plaza bete dituen Gointziarrenen astoari plaza eta erdiko aldea atereaz. Eizagirrerenak, berriz, 65 plaza egin ditu.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide