Imanol Aleson mendi korrikalari azkoitiarrak seigarren sailkatu da Transgrancanaria 360 mendi lasterketan. Azkoitiko korrikalariak 63 ordu behar izan ditu 262 kilometroko proba amaitzeko. Hain zuzen, 63 ordu, 16 minutu eta 57 segundoko denboran amaitu du proba azkoitiarrak.
Aurtengoa ez da Alesonek Transgrancanaria mendi lasterketa jokatu duen aurreneko aldia. 2018an ere Gran Canaria uhartean (Kanariar Uharteak) jokatzen den lasterketan izan zen azkoitiarra, eta une hura aprobetxatu zuen Marea Urdinari babesa agertzeko.