Azkoitiko EH Bilduk bilgune berria inauguratuko du datorren ostegunean, otsailak 6. 2018ko uztailean ireki zuen lehenaldiz koalizio abertzaleak Bilgunea herrian, Trenbidearen Zumardian. Orain, metro batzuk mugitu eta bidegurutze ondoan jarriko du Bilgunea —lehen Josi saltokia zena—.
Bilgunearen inaugurazioaren aurretik, 19:00etan, Mirene Begiristain EH Bilduko Gipuzkoako Batzar Nagusietako batzarkideak solasaldia eskainiko du Elkargunean. Besteak beste, testuinguru politikoa, EH Bilduren posizioa eta tesia, Euskal Herrira begirako gakoak, datozen erronkak eta Eusko Legebiltzarreko hauteskundeak izango ditu hizpide. Solasaldia amaitutakoan egingo dute Bilgunearen inaugurazioa.