Urtean zehar hainbatetan egiten duten moduan, gaur ere berrerabilitako diskoen eta liburuen azokak hartu ditu herriko plazako arkupeak. Kaleko Elkartasun eta Kultur Elkarteak antolatuta, goizean zehar ehunka liburu, cd eta binilo eskuratzeko aukera izan dute herritarrek Torrezuri erakustokiaren aurrean jarri dituzte mahaietan.
Elkarteak Euskal Herrian herriz herri jartzen du azoka, eta egitasmo solidarioa da egiten dutena. Izan ere, azokan bildutako dirua bazterketa ekonomikoan daudenei laguntzeko bideratzen diete.