Orain arte, helduak eta gazteak batzen ziren Orbel Jokuek lehiaketan, baina prestatutako probak ez zeuden pentsatuta umeentzat, eta beraz, haiek beti galdu egiten zuten.
Adin tarte desberdinetako herritarrek lehiaketan parte hartzeko aukera izaten jarrai dezaten eta arazoari irtenbidea eman nahian, bi mailatan banatu dituzte aurten Orbel Jokuek: 12 eta 16 urte bitarteko umeena batetik, eta 16 urtetik gorakoena bestetik. Umeen parte hartzea handitu asmoz, 12 eta 16 urte bitarteko umeen izen emate epea luzatu du Maxixatzen Euskara Elkarteak.
Gazteen mailakoak bigarren proban batuko dira lehiaketara, azaroaren 21ean hain zuzen ere. Haiek bi proba egingo dituzte finalera iritsi aurretik; helduek, aldiz, hiru.