Yllana konpainiak Lo mejor de Yllana ikuskizuna aurkeztuko du datorren ostiralean, hilaren 4an, Baztartxo antzokian. Antzezlan mutua da Madrileko taldeak taularatuko duena, eta keinuen bidez, "umorea, sormena, irudimena eta talentua" uztartuko dituzte artistek Azkoitian: "Hitzik egin gabe, publikoa barre-algaraka jarriko dugu", adierazi du konpainiak.
Taldeak keinuen bidezko apustua egin du duela ia hiru hamarkada sortu zenetik, eta bidean hainbat sari jaso du. Bere ibilbideko "esketxik onenak" onenak bildu dituzte Lo mejor de Yllana antzezlana sortzeko, eta hala definitu dute lana: "Sormen handiko buru askoren ekarpenen batuketa da ikuskizun hau".
Udalak 19:30ean programatu ohi ditu antzerki emanaldiak, baina ostiralekoa 21:30ean hasiko da, konpainiaren agenda arrazoiak medio. Sarrerak Baztartxoko leihatilan salduko dituzte 20:30etik aurrera, zortzi eurotan.