Izibene Oñederrak Lursaguak film laburra aurkeztuko du Donostiako 67. Zinemaldian, Zabaltegi-Tabakalera sailean, eta horren harira elkarrizketatu du eitb.eus webguneak. Zinemagile azkoitiarraren 12 minutuko lan laburrak Hélène Cixous frantziarraren esan bat du oinarrian. Izan ere, honako hau zioen hark: “Inoiz ezagutu ez den espezieko milioika lursagu, milaka urteko kulturaren oinarri kontzeptuala, birrintzen ari diren garai horretantxe bizi gara”. Esan horretan oinarrituta ondu du azkoitiarrak bere filma.
Elkarrizketa osoa honako lotura honetan irakur daiteke.