III. Lasterketa Solidario Inklusiboan izena emateko mahaia jarri du Ttipi Ttapak

Irailaren 28rako antolatu du Ttipi Ttapa elkarteak III. Lasterketa Solidario Inklusiboa. Marea Urdina elkartearen alde egingo da aurten. Lasterketarako izena emateko modu desberdinak jarri dituzte, horietako bat eliz atarian gaur jarri duten mahaia izan da.

III. Lasterketa Solidario Inklusiboa irailaren 28an izango da, Ttipi Ttapa elkarteak antolatuta. Marea Urdina elkartearen alde egingo da aurtengo ekitaldia. Lasterketan parte hartzeko izen-ematea zabaldu dute, eta horretarako hainbat modu jarri dituzte. Horietako bat gaur eliz atarian jarri duten mahaia izan da; hilaren 21ean ere jarriko dute mahaia eliz atarian.

Horrez gain, Azkoitiko Udalaren webgunean www.azkoitia.eus eta Azkoitiko udaletxean ere izena eman daiteke. Bestetik, Torrezurin jarriko duten erakusketaren aurrean ere mahaia jarriko dute irailaren 16, 18, 23, 24, 25, 26 eta 27an.

Umeek hiru euro ordaindu beharko dute lasterketan izen-ematea, eta helduek hamar euro. Lasterketaren egunean bertan, berriz, hamabost euro ordaindu beharko da izen-ematea.

Erlazionatuak

Irailaren 28an izango da III. Lasterketa Solidario Inklusiboa

Azkoitia

Atzo, asteazkena, aurkeztu zuen Ttipi Ttapa elkarteak irailaren 28an Azkoitian egingo den III. Lasterketa Solidario Inklusiboa. Aurten lortutako di...

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide