Datorren astelehenean, hilaren 16an, hasiko da 11/13 sumarioari dagokion epaiketa Espainiako Auzitegi Nazionalean. ETAren "espetxe frontea” osatzea leporatuta, euskal presoen babes taldeetako 47 kide epaituko dituzte egun horretatik aurrera, eta haiei elkartasuna adierazteko manifestazio nazionala egingo dute larunbatean, Bilbon. Hain zuzen ere, hara joateko autobusa antolatu dute Azkoitian, eta herritarrek izena eman dezakete Zakela tabernara joanda edo hango 943-08 01 19 telefonora deituta.
Zapatuan, 16:00etan abiatuko da autobusa, Eroski ondoko geltokitik.