Gaurtik aurrera Uhaitz kafetegian ere eman daiteke izena Mangaixue bizikleta martxan

Mangaixue bizikleta martxako iazko irudia.

Datorren irailaren 14an, zapatua, egingo da Mangaixue bizikleta martxa, eta gaurtik hilaren 11ra bitartean Uhaitz kafetegian nahiz Rock The Sport webgunean eman daiteke izena probarako. Bi ibilbide izango ditu martxak; bata, 30 kilometrokoa, eta bestea, 21 kilometrokoa.

Anaitasuna Mendi Bazkunak antolatuta, Mangaixue mendi bizikleta martxa egingo dute beste urte batez datorren irailaren 14an, zapatua, eta hilaren 11n amaituko da martxan izena emateko epea. Orain arte Rock The Sport webgunean soilik eman zitekeen proban izena, baina gaurtik aurrera, Uhaitz kafetegian ere izango da horretarako aukera. 

Bi ibilbide izango ditu martxak. Batetik, 30 kilometrokoa; eta, bestetik, 21 kilometrokoa. Horrez gain, ibilbidean zehar anoa guneak ere izango dira, eta martxaren amaieran dutxak eta mangerak erabili ahal izango dituzte parte hartzaileek. Helmugara iristean ere janaria eta edaria izango dituzte eskura txirrindulariek, eta antolatzaileek opariak ere zozkatuko dituzte.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide