Elgoibarko San Bartolome jaien barruan, VI. Kintopeko Idi Proba jokatu dute bi egunez hango probalekuan, eta Azkoitiko Ixidro Erretegiak hirugarren postua lortu du txapelketan, haren idiek 50 plaza eta 0,81 metro egin ondoren. Atzo, osteguna, izan zen kintopeko bigarren dema Elgoibarren, eta han lehiatu zen Ixidro Erretegia. Orduan lehiatu zen aurtengo edizioko irabazlea ere: Izeta. Aiako demalariak 51 plaza, zinta bat eta 6,64 metro osatu zituen, eta hark eskuratu zuen manta preziatua. Lopategik lortu zuen bigarren postua.
(Argazkiak: Ibon Errazu)