Zein da 'antiuelekue' Azkoitiko hitzaren esanahia?

Maxixatzenek, Azkoitiko euskarazko hitzak bultzatu asmoz, Azkoitiko hitz bat argitaratzen du astero. Joan zen ostiralean 'berue eman' hitzaren esanahia erakutsi zuen webgunean. Oraingoan, 'antiueleko' hitza aukeratu du Maxixatzenek. Ba al dakizu zein den hitz horren esanahia?

'Antiueleko' hitzaren esanahia 'aspaldikoa' da.

Adibidez, honako modu honetan erabil daiteke:

Azkoitiko hizkeran: «Azkoittiko antiueleko erretato bat topau det ganbaran».

Euskara batuan: «Azkoitiako aspaldiko argazki bat aurkitu dut ganbaran».

Iturria: Azkoittiko euskerie, Aizkibel beka

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide