Xabier Munibe ikastolako sarreran estalpea jartzen ari dira

Xabier Muniben eraikitzen ari diren estalpearen egitura. (Azkoitiko Udala)

Udalak jakinarazi duenez, langileek bukatzear dute egin beharrekoa. Lanek 80.000 euroko aurrekontua dute.

Xabier Munibe ikastolako sarreran estalpea egiteko lanetan ari dira egun hauetan. Udalak jakinarazi duenez, langileek bukatzear dute egin beharrekoa. Lanek 80.000 euroko aurrekontua dute.

Egurrezko egitura batek sostengatuta, polikarbonatozko panelak jarri dituzte estalpea eraikitzeko. 12x10 metroko neurria du babestutako guneak.

"Euria askotan izaten da hemen eta ikastolako erabiltzaileei sarrera-irteeretan erosotasun handiagoarekin ibiltzeko modua eskaintzea da estalpearen helburu nagusia", azaldu du udalak. Halaber, lanak ikastolan udako oporretan direla egin dituzte, "eragozpenik ez eragiteko".

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide