Maialen Sudupek bizkar estiloko txapelak eskuratu ditu Udako Euskal Herriko Txapelketan

Maialen Sudupe, erdian. (Argazkia: Izarraitz)

Maialen Sudupe Izarraitz taldeko igerilari azkoitiarrak Udako Euskal Herriko junior eta absolutu mailako txapelketan parte hartu du, eta hainbat txapelketa irabazi ditu.

Ostiralean, zapatuan eta igandean, Udako Euskal Herriko Txapelketa jokatu dute juniorrek, absolutuek eta igeriketa egokituko igerilariek. Gasteizko Mendizorrotzako igerilekuan jokatu dute txapelketa, eta Maialen Sudupe igerilari azkoitiarrak maila bikaina eman du. 200 metro bizkar proban junior mailako txapelketa irabazi zuen, eta bigarren sailkatu zen absolutu mailan. 50eko eta 100eko bizkar probetan, berriz, junior eta absolutu mailako txapelak lortu ditu. Bizkar estiloaz gain, 50 metroko tximeleta estiloan ere junior mailako txapeldun bilakatu zen azkoitiarra.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide