VI. Futbol Festa ekainaren 21ean, 22an eta 23an izango da eta antolatzaileak partidak planifikatzen hasiak dira. Aurreko urteetan bezala, 5 eta 12 urte bitarteko umeek jolastuko dute, 2007 eta 2014 urteen artean jaiotakoak. Hamar udalerritako gaztetxoak izango dira Azkoitian Futbol Festan: Azkoitia, Azpeitia, Errezil, Zestoa, Zumaia, Getaria, Zarautz, Urretxu, Zumarraga eta Legazpi.
Antolatzaileen esanetan, hasiera batean, hiru egun ezarri arren, «seguruenik laugarren bat» gehitu beharko dute, ekainak 20, osteguna, alegia. Bestetik, ekainaren 21ean ikasturte amaierako jaialdia egin ohi dute eskolek eta «kontutan» hartuko dute partiden ordu eta egunak antolatzeko orduan. Elastikoa eta domina jasoko dute partaideek. Kamisetak ekainaren 18an banatuko dira Kontzejupean,18:00etatik 20:00etara bitartean.