Pixkanaka-pixkanaka udako kontzertu-biren berri ematen ari dira euskal musika taldeak, eta modu horretan andramaixetako lehen kontzertuak ezagutu ditugu. Gozategik azaldu zuen bezala, Modus Operandik ere jakinarazi du Azkoitian izango direla andramaixetan. Abuztuaren 16an, andramaixetako hirugarren egunean, herriko plazan emango dute kontzertua. Betagarriko abeslari ohiak, Iñaki Ortiz de Villalbak, sortutako taldea da Modus Operandi, eta lehen diskoa kaleratu zuen joan den azaroan. Neguan eta udaberrian herriz herri ibili dira taldekideak lehen lana aurkezten. Gozategik abuztuaren 14an eskainiko du kontzertua Azkoitian. Udalak andramaixetarako antolatutako kontzertuak dira Gozategi eta Modus Operandi taldeenak.
Uztaileko kontzertuak
Aipatutako kontzertu horien aurretik, ordea, Um Blem Ble tabernarien elkarteak antolatutako kontzertuak izango dira herrian. Uztailaren 20an, zapatua, Willis Drummond taldearen eta Pablo Hasel rap-kantariaren kontzertuak izango dira herriko plazan, 23:00etatik aurrera.