Azkoitiko Pelotai Egunaren bueltan gertatutakoaren aurrean, Azkoitiko EH Bilduk «erabateko gaitzespena» adierazi nahi izan du gertatutakoarekiko. «Ez ditugu onartzen horrelako mezuak inon», gaineratu dute. Horren aurrean, euren «babes osoa» adierazi diete Pelotai Euneko emakumeei. «Ez da erraza horrelako esparru maskulino batera salto egitea eta txalogarria da eman duten pausoa», azaldu dute.
Bestalde, azken orduetan «EH Bildurekin lotu nahi izan dituzte mezu iraingarri horiek» gaineratu dute. Horren aurrean adierazi dute mezu horiek idatzi dituzten pertsona horiek «ez dutela inongo loturarik EH Bildurekin». Horren atzean «nahi edo asmo politikoa» dagoela eta «onartezina» dela azpimarratu dute, eta EH Bilduk herrian «konpromiso sendoa» duela berdintasunarekiko esan dute.