Txapelpunk eta La Furia taldeen kontzertuak, zapatuan

Txapelpunk eta La Furia taldeen kontzertuak, zapatuan
Nerea Loron, La Furia taldeko abeslaria. (Argazkia: La Furia)

Datorren zapatuan, otsailak 9, Txapelpunk eta La Furia taldeen kontzertuak izango dira, herriko plazan, 22:30etik aurrera. Um Blem Ble Azkoitiko tabernarien elkarteak antolatu ditu bi kontzertuak.

Txapelpunk taldeak Graffiti diskoa aurkeztuko du herriko plazan. Joan den abenduan kaleratu zuen azken diskoa punk estiloko musika sortzen duen taldeak, eta aurkezpen biran murgilduta dabiltza harrezkero Iñigo Arrasate eta bere taldekideak. La Furiak, berriz, 2017an plazaratu zuen Vendaval lana. Musikariak dioenez, «kontzientzia feministarekin egindako rapa» da berea. Punk eta rap estiloko doinuak entzun ahal izango dira, beraz, zapatuan, Azkoitian.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.

Izan zaitez Maxixatzeneko bazkide