Udaletxera ere igo dira koplak kantatzera, eta alkateari hainbat eskari egiteko aprobetxatu dute. Javier Zubizarreta alkateak ere kopla batzuk abestu dizkie ikasleei, Marijose Arregi zinegotziak akordeoiarekin lagunduta.
Arratsaldean, Floreagako gazteen eta helduen talde bat arituko da kantuan. Gazteak eta Garapena taldeko kideekin batera, 18:45etik 21:00etara jardungo dute Santa Ageda eskean. Xabier Munibe Ikastolako ikasleak, berriz, 16:30ean ikastolako atarira irtengo dira kantura.