maxixatzen.eus

Jakintsuaren aholkua

  Iritzia  Azkoitia

Azken boladan Maxixatzeneko aldizkarian edo Webarruen idatzi ditudan artikulu eta iritziek nahiko zalaparta sortu dute. Idazkera nahiko takarra daukadanez, erantzunak ere orokorrean ez dira goxoak izan.

 

Aho handia naizenez, jarduten duenak entzuten ere jakin behar du, horretan ez daukat inolako eragozpenik. Dena dela, azkeneko artikuluengatik nire inguruko batzuek ez dute ondo pasatu, oso gaizki ere bai kasuren batean.

Behin baino gehiagotan entzun izan diot jakintsu bati «hobea da isilik egondako poza, gehiegi jardundako pena baino». Jakintsua Agustiñe Azpitarte Zubizarreta* da.

Ingurukoek kezka gehiagorik ez izateko, Maxixatzeneko nire kolaborazio eta iritziei amaiera ematea erabaki dut, beste batzuek har dezatela erreleboa.

Hori bai, Maxixatzenek iritzi emaileen bazkaria antolatzen badu, azalduko naiz. Beti izan dut gogoa jakiteko ezizendun iritzi emaileak nortzuk ote diren eta zergatik inork ez duen bere izen-abizenekin sinatzen.

Bazkarira arte Pinpilinpauxa, HeureUstez, Perretxiko, Xakel, Xakelman, Belarralepo, Anonimo eta osterantzekoak.

Ondo bizi

*Agustiñe gure ama da.

Erantzunak

Erantzuna | #1

Kaixo, Julen.

Benetan asko sentitzen diat hire inguruko norbaitek gaizki pasa badik artikuluen harira. Horrek ez zian horrela beharko. Azkenean denok diagu iritzia emateko eskubidea, baita hanka sartzeko ere, eta kasu hauetan inguruko inork ez luke ordaindu beharko inongo preziorik. Hanka sartu duenak atera dezala, eta aurrera.

Iritzia emateko orduan gaitzizen bat erabiltzearena? Bakoitzak izango dik bere arrazoia. Nik neuk nahiago diat horrela, zeren askotan mezuan erreparatu beharrean igorlean erreparatzen diagu (batik bat, begiko diagun edo ez), eta horren arabera erakusten diagu berak esandakoarekiko adostasuna edo desadostasuna. Agian aitzakia merkea irudituko zaik, ez zekiat. Edo ez haiz nirekin ados egongo. Azken finean, mundu guztiak ezin dik mundu guztiarekin ados nagok.

Hala ere, gauza bat garbi diat: ez genikek anonimotasuna elkarri errespetua galtzeko erabili behar. Errespetua badago, niri bost axola pantailaren beste aldean dagoenak bere izenarekin edo Txiribitonenarekin sinatu duen.

Esandakoa, sentitzen diat hire ingurukoek eta hik pasatakoa. Ez zioat inori opa.

Egiten dekena egiten dekela, ondo segi eta besarkada bat.

Erantzuna | #2

Zuzenketa:
Azken finean, mundu guztiak ezin dik mundu guztiarekin ados EGON.

Erantzuna | #3

Epa Julen: Danok zaukeiau eskubidie maxixatzeko ezizenakin eo izen abizenakin, Hik beti arpegixe eman dek eta hori txalotzekue dek .Batzun erantzunen aurrin ez haiz ixildu eta beaxek hirekin euki ez deben errespetukin erantzun dixok.
Penie emate zik hola jutie bañe amai kaso ettie erabai dek ta oso ondo irutze zitek.
Animo ta segi daxoun geurin!!

Erabiltzailearen aurpegia Erantzuna | #4

Kaixo Sartael eta Yute:

Ezizenarekin idaztearen arrazoia orain hobeto ulertzen dut. Hala ere ederra izango litzateke zuotako batzuei aurpegia ipintzea, ea bazkari horretan!

Erantzuna | #5

Egunon Julen, erabat Ados natxiok bai Sartaell eta bai Yutek esan dutenarekin, iruitze zitek naiz desberdin pentsatu danok degula iritzia emateko eta hanka sartzeko eskubidea, idazten ez duenak ez duenak ez dik sekula sartuko. Baiña niretzat aberasgarria duk besteen iritzia ezagutzea naiz eta Ados ez egon beti ematen dik zer pentsatu eta ikuspegia zabaltzeko ere balio dik.
Etzekiat ixilik zenbat iraungo dekan , baiño zenbat eta denbora gutxiyo dan obe. Ondo segi.

Erantzuna | #6

Ba, pena, Julen, penaa ... iritzixe emateko plaza earra dek hau, ta faltan botako haugu. Gaitzizenak erabailtzien arrazoiek eman ditxibek aurrekuk. HErri hontan zoritxarrez izenari begiratzen zioagu, edukixei biano gehixo. Errespetutik hitzeinde, zeatik ez eztabaida hauek? Ze inporta dik Julenek, Maitek edo Pepitok hitz egiten duen? hitzak dituk garrantzitsuak, ez izenak ...

Erantzuna | #7

Penie da bai zuri eta inguruko hoxei pasau zauztena, lotsagarrixe iruitze zat halako gauzek pasatzie.
Danok gea libre gure iritzixe emateko, eta danok errespetau ber ditteu bestinak, naiz eta ados ez eon.
Gauzek debatiu eta bakoitzek bere argumentuek azaleratziek bestien pentsakerak ulertzea ematen gattu.
Ni ez naiz bazkai horta jungo, nere arpexe zeuk imajinau berkozu.
Animoak zuri eta zure ingurukoei.
Ondo segi.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa