Añares Rioja ISBk Elkargunean jokatuko du, igandean

Añares Rioja ISBk Elkargunean jokatuko du, igandean

Añares Rioja ISBk Azkoitiko Elkargunean jokatuko du, datorren igandean. Euskal Kopako kanporaketari dagokion neurketa Ibaizabalen aurka jokatuko dute Katxi Agirreren neskek. 18:00etan hasiko da partida.

 

Joan den asteburuan Ardoiren aurkako lagunartekoa jokatu dute Iraurgiko neskek, eta 66-59 nagusitu ziren Azpeitiko Kiroldegian jokatutako norgehiagoka.

Juaristi ISB Euskal Kopatik kanpo

Juaristi ISBk Bilbao Basket hartu zuen igandean. Euskal Kopako kanporaketa jokatu zuten Lolo Encinasen mutilek. Bilbotarrak 65-91 nagusitu ziren Azpeitiko Kiroldegian. Lolo Encinas «gustora» gelditu zen taldeak eskainitako mailarekin. Datorren asteburuan Oliten jokatuko du Juaristi ISBk. Maila berekoa den Navarra taldearen aurkako neurketa 18:30ean hasiko da.