maxixatzen.eus

Igor Astarloa munduko txapeldun ohiak Mangaixue bizikleta martxan parte hartuko du

  Kirola  Azkoitia

Igor Astarloa munduko txapeldun ohiak Mangaixue mendi bizikleta martxan parte hartuko du bihar, zapatua. Ermuko (Bizkaia) txirrindulari ezaguna 2000. urtean hasi zen profesionaletan lehiatzen, Mercatone Uno taldearekin, eta 2003. urtean Errepideko Txirrindularitzako Munduko Txapelketa irabazi zuen, besteak beste.

 

Mangaixue BTT mendi bizikleta martxan bi ibilbide egiteko aukera izango da: 33 kilometrokoa eta 25 kilometrokoa. Txirrindulariak 15:15ean abiatuko dira, Plaza Berritik. Proban parte hartzeko bihar 14:00etatik 15:00etara izena emateko aukera eongo da Plaza Berrin. Oraingoz, ehun lagun baino gehiagok eman dute izena.

Probaren amaieran hainbat opari zozkatuko dituzte: herriko kontzesionario batean autoaren errebisioa eta olio aldaketa egiteko opari txartela, eguzkitako betaurrekoak, urdaiazpiko eta txorizo sortak, bizikletako nabigatzaile digitala eta Transvulcania Bike proban parte hartzeko bi dortsal, besteak beste. Janaria eta edaria ere eskainiko dute. Antolatzaileek eskerrak eman dizkie laguntzaile guztiei, eta jendea parte hartzera animatu dute, eguraldi ona baitago iragarrita.

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa