Andra Mari egunez, pilota partidak jokatu dira arratsaldean, Gurea pilotalekuan. Lehen partidan, Elordi eta Tolosa nagusitu dira Retegi Bi eta Lasa IV bikotearen aurrean. Bigarren neurketan, aldiz, Irribarriak eta Rezustak Aimar Olaizola eta Imaz gainditu dituzte. 19:00etan, plazan, errepresioaren aurkako elkarretaratzea egin dute dozenaka lagunek. Pilota partidez gain, ordea, Rockbox kaleko musika, Zubiberri Gimnastika Erritmikoko nesken erakustaldia eta Eltziegoko dultzaineroen kalejira ere izan dira. 22:30ean, VIII. Film Laburren Lehiaketa izango da lehenengo. Sari banaketa amaitutakoan, berriz, Passepartout musika talde azkoitiarrak kontzertua eskainiko du, herriko plazan. Txonsagunean, 01:00etatik aurrera, Hartz, Trini Fox eta Holy Txala musika taldeen kontzertuak izango dira.