Arratsaldeko eta gaueko egitaraua
17:30ean abiatuko da herriko kaleetan Brincadeira batukada taldea. Ordu berean, Balda Plazan, Apar festa egingo dute gaztetxoek. 18:00etatik 21:00etara bitartean, Soinuz Blai taldearen erromeria izango da txosnagunean. 18:30ean, Plaza Berrin, zezenak aterako dituzte. 22:00etan, 10. DIVA - SAT Idi dema sariko bigarren idi dema jokatuko da, herriko probalekuan. 22:00etan, Trikizio taldea taularatuko da herriko plazako eszenatokira. 01:00etan hasita, azkenik, Mad Muasel eta Ira musika taldeek kontzertuak eskainiko dituzte txosnagunean. Andramaixekin amaitzeko, 07:00etan, jai goizeko mezie egingo dute.