12:15ean, urtero bezala, aurreskua dantzatu dute herriko plazan udaleko hainbat ordezkarik, Sahatsa dantza taldeko dantzariek lagunduta. 13:00etan, berriz, Azkoitiko Musika Bandak eta Eltziegoko dultzaineroek kontzertua eskaini dute, Kontzejupean. Haur eta gurasoen bazkarian ere dozenaka lagunek hartu dute parte.
Arratsaldeko eta gaueko egitaraua
16:00etan, zezen karretoiarekin kalejira, herriko plazatik irtenda. Ordu erdi beranduago, txosnagunean Herri Moimentuek antolatutako mus txapelketa jokatuko da. 17:00etan, herriko plazan, Bualá kale ikuskizuna eskainiko dute, eta ordu berean, Balda Plazan, gazteentzako jolas dinamikoak egindo dituzte. 19:00etan, plaza dantzak egingo dituzte Sahatsa Dantza Taldeko kideen partaidetzarekin. 21:00etan, txosnagunean, parrillada egingo dute sagardo txotxak lagunduta. 23:00etan, Valecea Piroteknia etxearen eskutik suzko erroberak botako dituzte Baztarrikaldetik. 23:30ean, azkenik, Zea Mays taldearen kontzertua izango da herriko plazan. Goizaldeko 02:00etan, zumba saioa egingo dute bertaratutako guztiek.