«Gu beti egon gara hitzarmenaren inguruan hitz egitearen eta negoziatzearen alde», azaldu dute langileek. «Gure planteamentuak ez dituzte inoiz serio hartu, eta hala ere hitz egiteko prest egon gara. Oraindik ere, hitz egiteko prest gaude. Behingoagatik gure eskakizunak seriotasunez jorratu ahal izateko grebara jo beharra izan dugu», gehitu dute.
«Mahaitik gu altxatu ginela entzun behar izan dugu enpresaren ahotik, gainera, egun hauetan. Mahaitik jaiki ginen serio hartu ez gintuztelako. Deitzen digutenean hitz egitera joateko prest gaude, ez dezatela inongo zalantzarik izan», adierazi dute.