Ekitaldia irekia da, eta, beraz, herritar guztiak gonbidatuta daude bertara.
Euskaldun zaharrak eta berriak izango dira protagonistak. Mintzalagun programaren zortzigarren urtea da aurtengoa. 39 lagunez osaturiko 10 taldek parte hartu dute azken edizioan. Egitasmoa abiatu zenetik 70 bat lagunek parte hartu dute.
Mintzalagun programari esker, astean behin biltzen dira bidelariak, euskara hobetu nahi duten euskaldun berriak, bidelagunekin, hau da, euskaldun berriei euskara maila hobetzen lagunduko dien euskaldun zaharrekin.
Aurten Mintzalaguneko bidelagunak omenduko dira, baina ikusita euskaldun berriek ere meritu galanta dutela egiten duten ahaleginagatik, datorren urtean euskaldun berriei egingo zaie aitortza.