Joan den asteburuko kanporaketa hori 40 eta 20 irabazi zioten Petritegi sagardotegia ordezkatzen duen Goikoetxea V.a eta Ion bikoteari, Galarreta pilotalekuan. Goikoetxea V.ak ordezkatu behar izan zuen Otaegi, azken hori gripeak jota zegoelako.
Txapelketako lehen fasea B multzoko hirugarren postuan amaitu zuten Setien Sagardotegia ordezkatzen duten Matxin III.ak eta Iban Larrañaga azkoitiarrak. Final zortzirenetako kanporaketak jokatu ostean, berriz, lehen postuan dago Larrañaga.
Final laurdenetako irabazleek multzoko buru direnen kontra jokatuko dituzte finalerdiak, apirilaren 21ean. Finala, berriz, apirilaren 28an izango da.