Familientzako ate irekiak Bizilore Eskola Aktiboan

Bizilore irabazi asmorik gabekoa den Hazitik Kooperatiba Integrala koop. elkartearen baitan kokatzen den proiektua da, zeinetan hezkuntzarekin zerikusia duten lan lerroen artean eskola dagoen.

Bizilore eskola, 2-12 urte bitarteko eskola aktiboa da, «umearen ongizatea ziurtatu eta garapen osoa bultzatzea helburu duena».

 

Ume baten guraso edo tutore izanik Bizilore ezagutzeko jakin mina baduzu(e) otsailaren 3an egingo diren ate irekietan parte hartzera animatzen zaitu(zte) Bizilorek. Bertan proiektua bere osotasunean ezagutzeko aukera izango da eta zehazki eskolaren oinarriak zein egunerokotasuna ezagutu eta ikusteko aukera.