Aurtengo edizioko irabazlea Maite Kaperotxipik, Ixabel Jauregik eta Lurdes Jauregik osatutako Larrabetzu taldea izan da 58 punturekin, Aloha bigarren 50 punturekin eta Aittitte Mendikotekuk taldea izan da hirugarrena 28 punturekin. Aurten ere Imanol Garcia eta Maite Alberdi aritu dira aurkezle lanetan.
Guztira hiru proba egin behar izan dituzte. Lehenengoan lau argazki eman zaizkio talde bakoitzari, eta argazkilariak zein izan diren asmatu behar izan dute. Bigarrengoan, talde bakoitzeko lehiakide batek abesti bat kantatu behar izan diote bere taldekideei, eta azkenengoan hitza pasa jokoa egin dute. Giro polita sortu da Elkargunean, eta bertaratu direnen artean kultur produktuak eta herriko tabernetan gastatzeko txekeak zozketatu dira.
