«Basarte industrialdean –azaldu du Bastidak- 350 langilek egiten dute lan, eta gainera, gasolindegi bat ere badago. Horrek esan nahi du egunean 600 bat ibilgailu mugitzen direla. Lantegietako sarrera-irteera orduetan auto-ilara handiak sortzen dira».
Ez dago zebra-biderik errepidea zeharkatzeko, eta autobusek GI-2634 errepidetik atera behar izaten dute geldialdia egiteko. Azpeitirako norabidean, autobusek geldialdia egin ostean, derrigorrez Txerloiko biribilguneraino joan behar izaten dute bira hartzeko.
Bidegurutze horretan zerbait egitea eskatzen du Udalak, biribilgune bat eraikitzea esaterako, «segurtasun handiagoa bermatzeko bai ibilgailuentzat, bai oinezkoentzat, eta auto-ilarak saihesteko», azaldu du Bastidak. «Aldundiko arduradunek oso ondo hartu gaituzte, eta aukera ezberdinak aztertzeko konpromisoa helarazi digute, gai honekin aurrera egin ahal izateko».