maxixatzen.eus

Bertso eskolak, hitzekin jolasean gozatzeko

  Kultura  Azkoitia

«Entrenatzeak ez dik balio, sehaskatik ez badator». Euskal Herrian bertsolari maiterik izan bada Lazkao Txiki izan da, baina igarle moduan ez zuen bizimodurik aterako, ez horixe. Berak pentsatzen zuenaren kontra, gaur egungo bertsolaritzaren izarrak bertso-eskolan ikasitakoak dira. Euskal Herri osoan barreiatuta daude eskola hauek eta bertan ume, gazte eta heldu aritzen dira Xabier Amurizak «hitzaren kirol nazionala» definitu zuenean trebatzen.

Bertso eskolak, hitzekin jolasean gozatzeko
Argazkian, Eneritz Artetxe, Azkoitiko bertso eskolako kideekin. | Ikusi handiago | Argazki originala

 

Berezkoaren eta ikasitakoaren arteko eztabaida luzea bezain antzua izan da da bertsolaritzan. Jakina, inork ez du zalantzan jartzen berezko grazia, etorria eta buru-argitasuna izatea abantaila handia dela, horiek gabe nekez iritsiko dela inor bertsolaritzan ibilbide oparoa egitera, baina bertsotan egiten ikasi egin daitekeela, hori ere ez du dagoeneko inor ukatuko. Jokoan dagoen Euskal Herriko Bertsolari Txapelketaren ari diren gehienak, denak ez esatearren, bertso-eskolatik pasatakoak dira.

Bertsozale Elkarteko Esti Alberdi, Eneritz Artetxe eta Mikel Artolarekin bildu gara, bertso eskolei buruz luze eta zabal berba egiteko. Eta beste ezertan sartu aurretik, horixe galdetu diegu, bertsolaria jaio egiten den edo egin egiten den. «Bertsolaria jaio egiten da, baina ez bertsolari. Alegia, denak bezala jaio egin behar da lehendabizi, baina ikasi gero. Inor ez da ikasita jaiotzen. Edozeinek ikasi dezake bertsotan euskaraz badaki. Beste kontu bat da denok ez dugula maila bera izango», izan da erantzuna.

Bideoa eta erreportaje osoa loturan ikusgai.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa