maxixatzen.eus

Indarkeria sexistarik gabeko jaien aldeko aldarrikapena egin dute udal ordezkariek

  Festak  Azkoitia

Udal ordezkariek andramaixetan ez dadin inolako erasorik gerta, eta festak berdintasunean, errespetuan eta askatasunean bizitzeko aldarrikapena egin dute gaur goizean.

 

Festak lehertzeko ordu gutxi falta diren honetan, udal ordezkariek “emakumeen kontrako indarkeriari ez” esan dute Gipuzkoako Foru Aldundiak abian duen DenokZu sentsibilizazio kanpainarekin bat eginez. Javier Zubizarreta alkatearekin batera alderdi guztietako ordezkariak bildu dira helburu baten alde. «Emakumeen kontrako indarkeriaren aurrean, erantzun irmo eta bateratua ematea, behar-beharrezkoa da guztion inplikazioa indarkeria matxistarekin amaitzeko, herritarrena, eragileena eta erakundeena», adierazi dute ordezkariek.

Eraso sexistak prebenitzeko eta herritarrak sentsibilizatzeko eta inplikatzeko, Azkoitiko Udalak stand bat jarriko du festetan Herriko plazan. Bertan bi hezitzailek informazioa eta orientazioa eskainiko diete bertaratzen diren guztiei.

Ondorengo ordutegian egongo da martxan:

Abuztuaren 14an eta 16an

Arratsaldez: 18:00-20:00

Gauez: 00:00-02:00

Abuztuaren 18an

Gauez: 00:00-03:00

Erantzunak

Erantzuna | #1

Hipokresi galanta!!! Ta nun da erasuen aurrien martxan jarri berreko protokolue???
Zeatik ezta adostu hori??? Zerren bildurre dakeuzte??? ...
Lotsagarrixe...ta hau dana azkottiar danon izenin...
Stan hori oso ondo bai...baino zeatik ordutei mugau horrekin??? Zeatik eztao beti zabalik??? Erasuek eoteko ordutexe al dao baaa???
Puffff...hauxe da " ein berra daolako ettie ", ein berra ondo gelditzeko, ez erasuek ekiditzeko...
Ta hau dana gure izenin...
Nun daude pnv-ko emakumik??? Beaxen iritzixe jakitteko goukin nao...naikue o ez al dizen udaletxik jarritteko neurrixek...desmarkatzen al dizen o ez partiduk jarritteko lineatik...ze esatebe " las txikas del batxoki" hoxek???bai, hoxek, salbea guapa guapa juteizen hoxek...protokoluk hola eskatzeulako...gizonak ta gizonantzat eindeko protokolue...
Lotsagarrixe gure udaletxe onena...ospaaa...ospa danok faorez!!!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa