Lehenengo partidan, Arretxe eta Urretabizkaia Ugalde eta Erostarberen aurka jokatzekoak ziren, baina azken orduetako aldaketen ondorioz, Arretxe Ladis Galarzarekin arituko da, eta Ugalde Ion Jaunarenarekin.
Bigarren partidan ez dago aldaketarik. Zarauzko Torneoari dagokion lehen finalaurrekoa jokatuko dute Bengoetxea VI.a-Albisu eta Ezkurdia-Rezusta bikoteek.
Arratsaldeko 17:00etan hasiko da pilota jaialdia, Gurea pilotalekuan. Sarrerak dagoeneko salgai daude, eta horretarako bi bide jarri dituzte. Alde batetik, Asperen ondorengo telefonora deituta eros daitezke sarrerak: 667 487 273. Bestela, egunean bertan, Gurea pilotalekuko leihatilan erosi ahalko dira, 16:00etatik aurrera.