'En Tol Sarmiento' eta 'Puraposse' taldeen kontzertuak bihar, herriko plazan

(Argazkia: En Tol Sarmiento)

Zortzi hilabeteren ondoren, Azkoitiko Udalak baimena emango die herriko tabernariei uztaileko eta abuztuko bi larunbatetan kontzertuak antolatzeko, herriko plazan.

 

Um Blem Ble herriko tabernarien elkarteak antolatuta, bihar, uztailaren 15ean, En Tol Sarmiento eta Puraposse taldeen kontzertuak izango dira herriko plazan, eta abuztuaren 12an, Willis Drummond eta oraindik zehaztu gabeko beste kontzertu bat, leku berean.

Herrian bolo-bolo dabilen gaia ekarri nahi izan genuen ekaineko aldizkarian: herriko parranda. Hainbat kexa jaso dituzte udalean gai horren biran, eta hilabeteotan sinadura bilketak ere abiatu zituzten herriko taldeek. Gaiaren aldeko eta kontrako iritziak jaso nahi izan ditugu, eta, horretarako, herriko taldeengana jo dugu, hala nola tabernariengana, udaleko ordezkariengana, udaltzaingoarengana, gurasoengana, gazteengana eta bizilagunengana. Hona hemen haien iritziak: 

Erlazionatuak

Um Blem Blem tabernarien elkartea: «Udalaren kudeaketarik ezak tabernarioi egiten digu kalte handiena»

Azkoitia

Azken boladan Azkoitiko parrandaren inguruan gertatzen ari denarekin kezkatuta daude Um Blem Blem tabernarien elkarteko ordezkariak. Diotenez, asko...
Udala: «Bakoitzak dituen eskubideen artean oreka lortu behar da»

Azkoitia

Herrian gaueko parrandak hartu duen oihartzuna dela eta, Azkoitiko Udalak hainbat neurri hartu ditu, tartean ordenantza bat onartzea. Udale...
Sinadura bilketa abiatu zuen herriko guraso talde bat

Azkoitia

Gure sinadurak jaso ostean, hainbat bilera egin zituzten gaiarekin zerikusia zuten hainbat talderekin. Kexak zituzten bizilagunek eta guk batera eg...
Erdi Kaleko M.G.A. bizilaguna

Azkoitia

Erdi Kaleko M.G.A. bizilaguna (Azkoitia, 1936) “gazteen alde” dago: “Nik askoz nahiago dut parranda herrian izatea, gazteek herri...
Gazteek parrandarekiko duten ikuspuntua

Azkoitia

22,23 eta 24 urte bitarteko mutil kuadrilla batek osatzen du Txintxarri lokala.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide