Aranzadi Zientzia Elkarteak gidatuta eta Azpeitiko eta Azkoitiko udalek nahiz Gipuzkoako Foru Aldundiak lagunduta, uztailaren 29ra arte ariko dira Burdin Aroko gunean lanean.
2004an hasi ziren Munoaundin zundaketak eta miaketak egiten, eta handik urtebetera, 2005ean, ekin zieten indusketei. Aurten hamabigarren aldiz hasi dira indusketa lanak egiten. Lanek iraungo duten hiru astetan hogei lagun inguru arituko dira bertan lanean. Madrilgo, Kataluniako, Malagako, Almeriako, Valentziako, eta Zaragozako eta Euskal Herriko bizilagunak arituko dira, besteak beste, lanean.