Errenteriarrek zazpi puntuko aldearekin lortu zuten txapelketa bereganatzea. Bigarren postuan Easo taldea sailkatu zen 54 punturekin, eta hirugarren Barakaldo, 53,5 puntu batuta. Azkoitiarren A xake taldeak seigarren postuan amaitu zuen txapelketa, 48,5 puntu batu ondoren, eta B taldeak hamabigarren, 24,5 punturekin.
Guztira hemezortzi talde elkartu ziren hamazazpi erronda "gogor eta neketsu" jokatzeko, adierazi zuen Jose Luis Fernandez Anaitasuna Kakute Xake Taldeko lehendakariak. Anaitasuna Kakute Xake Taldearentzat "arrakastatsua" izan da hemezortzi talde elkartu eta guztiak "gustura" sentiaraztea.
Txapelketa "festa bat izateko" dago prestatuta. "Mikel Almansa txapelketako epaileak lan handia egin zuen txapelketa zehaztuta zegoen orduan amaitzeko", adierazi zuen Fernandezek. Amaitzeko, Joxe Azkue zenari omenaldia egin zitzaion, eta Fernandez lehendakariak taldearen zuzendaritzan daramatzan 25 urteak ere ospatu zituzten partaideek.
