Attolako eta Elosuko Otaba jaiak, iruditan

Elosu eta Attola auzoetan Otaba jaiak ospatu dituzte joan den asteburuan hainbat azkoitiarrek.

Atzo, igandea, Attolako gurutzean meza izan zen goizean, ondoren, bazkaria Attola Zaharren, eta gero, gaueko 21:00ak arte, soinujole eta bertsolariekin dantzan aritu ziren giro paregabean, ganbarako erromerian.

Bestalde, Elosun ere ospatu dituzte joan den asteburuan Otaba jaiak. Igande arratsaldean idi demak izan ziren auzoan. 20 minutuko probatan, Jose Ramon Salegiren idi pareak 52 plaza, zinta bat eta 2,50 metro egin zituen. Ondoren, Inaki Irigorasen idi parea plazaratu zen, eta ondu egin zuten aurrekoaren lana, 54 plaza, 3 zinta eta 3 metro eginda. Idi proben ondoren, Donato Larretxeak 3 metro eta 30 cm zituen pago enborra ebaki zuen, ordubete, 7 minutu eta 14 segundoan.

Argazkiak: Ibon Errazu Uria.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide