Proba herrikoia izan da lehena, eta Josu Garate azkoitiarra (00:25:38) eta Yulia Fernandez bilbotarra (00:30:39) nagusitu dira. Mutiletan, Mikel Zuazolazigorraga azkoitiarra sailkatu da bigarren, eta Eneko Portu usurbildarra hirugarren. Nesketan, aldiz, Olatz Gabilondo eta Lierni Altuna azkoitiarrak izan dira bigarrena eta hirugarrena, hurrenez hurren.
Azkoitiko XVIII. Duatloian, aldiz, Xabier Tijero (00:53:55) eta Natalia Gomez (01:02:17) izan dira irabazleak. Mutiletan, Paul Bereziartua eta Ibai Alba sailkatu dira bigarren eta hirugarren postuan. Nesketan, azkenik, Miren Josune Bikuñak eta Inmaculada Ruizek osatu dute podioa. Iñaki Loinazek bosgarren postuan amaitu du proba, eta bera izan da lehen azkoitiarra, Azkoitri Triatloi Klubeko Mikel Garateren, Jokin Suduperen eta Aritz Urangaren aurretik.