Gaur arratsaldean Gu ere bertsotan ikasturte bukaerako bertso jaialdia izan da Baztartxon. Guztira, Xabier Munibe ikastolako eta Floreaga ikastetxeko 172 gazte aritu dira bertsotan, eta gogotsu erakutsi dute urtean zehar Jokin Uranga bertsolariak irakatsitakoa.
Zehazki, Floreaga ikastetxeko LH 5. eta 6. mailako eta Xabier Munibe ikastolako DBHko 1. mailako ikasleek parte hartu dute. Landu dituzten gaiak, besteak beste, hauek izan dira: klima aldaketaren ondorioak, udalean eskean, Azkoitia argazkitan edota 100 egunetan Lurrari bira.
2017 mai 18 Azkoitia