Rosario Lasa Urrats taldeko bozeramaileak eman ditu lehen parte hartze datuak herriko plazan. Dagoeneko 1.750 herritarrek bozkatu dutela adierazi du bozeramaileak.
Aurretik, bertsolariak, musikariak eta idazleak igo dira eszenatokira. Eneritz Artetxe, Silvia Etxaniz eta Julene Iturbek bertso batzuk eskaini dituzte. Iñigo Aranbarri, Juan Luis Zabala eta Xabier Gantzarain idazleek testu bana irakurri dute. Ruben eta Ane Lizarralde aita-alabak ere kanta batzuk eskaini dituzte, eta Anarik eta Kupela taldeak ere abesti batzuk jo dituzte herriko plazan. Herriko musikariek sortutako Erabaki kantarekin amaitu dituzte goizeko emanaldiak.