Maiatzaren 2an, asteartean, Garbiñe Biurrun epailea arituko da “Justizia eta gizartearen hainbat arazo” gaiari buruz, hitzaldi edota elkarrizketa batean. Joxe Agustin Arrieta irakasle azkoitiarra izango da gidaria. Saioa Floreagako Don Bosco aretoan izango da doan, 20:00etan.
Maiatzaren 10ean, asteazkenean, “Alai Batza: 30 urte” mahaingurua izango da. Koldo Vergara, Cristina Arrizabalaga, Zezilio Salas eta Amaia Arteaga izango dira partaide, eta Jose Kruz Gurrutxaga aktorea izango da moderatzailea. Alai Batza taldeak 30 urteko historia oparoa du. Bere sorreraz eta ezaugarriez arituko dira. Topaketa doan izango da Don Bosco aretoan, 20:00etan.
Maiatzaren 25ean Kultur Jardunaldietako hirugarren saioa izango da. Azkoitiko kaleetan zehar kantari, “KANTU JIRA” egingo dute. Euskarazko kantu tradizionalak lagun artean kantatzeko ohitura indartu nahi dute.
Antolatzaileek interesa duten guztiak gonbidatu dituzte Kultur Jardunaldi horietan parte hartzera.