Azkoitia Bairen erantzuna EAJ-PNV udal taldeak Emakumeen Nazioarteko Egunari buruz aurkeztutako Adierazpen Instituzionalaren inguruan:
"Gure taldea ez da komunikabideentzako idatziak egiteko eta taldeko elkarretaratzearen aldekoa. Guk horrelako gauzak pertsonalki egiten ditugu eta ez talde bezala, baina talde bezala bai prest gaudela, edozein gai dela, lanean buru belarri jartzeko. Beraz nahi duzuenean jarriko gara hiru gai hauetaz lanean eta ea noraino iristen garen.
Ni batzorde denetan izaten naiz, eta hiru gai hauei ez dut ikusten aparteko garrantzia ematen zaienik eta orain talde denok badirudi beste inor baino gehiago inplikatu garela.Herritarra engainatzea dela iruditzen zaigu eta esan bezala garrantzia ematen badiegu lehen bai lehen hasi beharko genuke batzordeetan sakontzen, ez dadin dena adierazpen eta mozioetan bukatu.
Kasualitatez gaur bazkalostean, Maxixatzeni gain-begirada bat ematen ari nintzela, Azkoitiar Eneritz Artetxeren bi bertso irakurri ditut, lehena harira datorkigu, eta honela dio":
Martxoak 8 iristen zaigu
aurrerapenen kolorez
urte osoko "tradizioak"
eta "reflejoak" gordez
pankarta, aho eta titular
denak esaldi dotorez
baina mundua ikusi behar
dugu betaurreko morez
aldarrikapen guztiak egun
batera mugatu ordez.
EH Bilduren erantzuna adierazpen horren gainean:
EH Bilduk emendakina aurkeztu zuen. Adierazpena onartu ahal izateko guretzako ezinbestekoa da EH Bilduk talde feministen eta Emakunderen irizpideak jarraituz proposatutako aldaketak eta eranskinak bertan sartzea. Horrekin, lekuko erakundeak konpromiso zehatzak jaso asmoz. Nahiz eta adierazpena Europara begirakoa izan, ez dugu soberan ikusten, alderantziz, garrantzitsua iruditzen zaigu gure proposamena. Horrek, ordea, bertakoa izan behar duela uste dugu; eraginkortasunari begira, Eudelek enplazamenduak atzerrira begira egiten baititu.