Aitzindaria izan da alegiarra Euskal Herriko biblioteka eta artxiboen munduan, eta lan handia egin du ondare dokumentala berreskuratzeko eta gizartearen esku jartzeko. Azken urteetan hainbat errekonozimendu jaso ditu, horien artean, Sabino Arana saria (1995).
Ekitaldiari hasiera emateko, Juan Bautista Mendizabal Juaristik, harrera eta aurkezpena egingo ditu. Jarraian, Agirrek bere sarrera ikasgaia eskainiko du: “Euskal ondare bibliografiko-dokumentala bildu eta gordetzea: Lazkaoko Beneditarron ekarpen xumea”. Ospakizunari amaiera emateko, domina eta diploma emango zaizkio omenduari.
Izendapenaren ondoren, 14:00etan, adiskide arteko bazkaria izango da Joseba jatetxean gerturatu nahi duen ororentzat. Parte hartu nahi duenak izena eman beharko du 649124820 telefonora deituta, edo comisiongipuzkoa@bascongada.e.telefonica.net posta elektronikora mezua bidalita. Menuaren prezioa 25 euro izango da.