Lehendabizi, 10 km korrika egin beharko dituzte parte hartzaileek herri barruko 3,3 km-ko zirkuituari hiru bira emanez. Ondoren, 34 km bizikleta gainean, Urretxu-Zumarragara joan etorria eginez, eta, azkenik 4,5 km-ko ibilbidea burutu beharko dute herri barruko zirkuituari bi bira emanez.
Lasterketan izena eman nahi duenak Euskal Herriko Triatloi Federazioaren web orrialdean edo duatloiko egunean bertan izango du aukera. Federatuek zein federatu gabeek parte har dezakete, eta gehienez 216 korrikalari lehiatuko dira.
Federatuek izena emateko epea apirilaren 17ko 00:00ak arte egongo da zabalik, eta, aldiz, federatu gabeek froga egunean bertan ere izena eman dezakete. Federatuek 15 euro ordaindu beharko dute, eta federatu gabeek 25 euro.