Joan den zapatuan izan zen Orbel-jokuetako finala Elkarguneko areto nagusian, eta arratsalde pasa ederra bizi ahal izan zuen bertara bildutako jende multzoak.
Maila bikaina eman zuten Elkue, Azostruk eta Orisu talde finalistek, eta azkenean Orisu taldekoak izan ziren irabazle. Haiek eskuratu zituzten herriko dendetan gastatzeko 300 euroko balea eta Argia edo Berriarako urtebeteko harpidetza.
Elkue eta Azostruk taldekoentzat, berriz, afaria eta Euskara jendea DVDa izan ziren sariak.
Horretaz gain, parte hartzaileen artean zozkatutako sari moduan DVDak, liburuak, tabernetan afariak edo tragoak eta herriko produktuen saskiak banatu genituen Maxixatzeneko kideok.
Bestalde, Orbel-jokuei buruzko balorazio inkesta bete zuten bertaratutako askok, eta nahi duzuenok Webarruen eman dezakezue zuen iritzia. Estimatuko genizueke.